مهداة الى الدكتورة نجمة حبيب بمناسبة فوزها بجائزة شربل بعيني
ـ1ـ
نجمه حبيب بتشبه النجمه
بأنوارها عم تطرد العتمه
بكيِتْ شعب متشرّد ومسكين
وحملتْ بـ قلبا صورة فلسطين
وبكل كلمه بتنصر الحرمه
ـ2ـ
بتكتب أدب بيشرّف الآداب
بتروي قصص فيها ألم وعذاب
عندا قلم ما انباع للحكام
عندا فكر بيوزّع الأحلام
وكتابها.. بينقال عنّو كتاب
ـ3ـ
"نجمه" عظيمه ضاويه بالهجر
مرّه وحيده بتمرق بهالعمر
لو قلت عنها مبدعه.. معروف
بحروف إسما زيّنت الحروف
وإلا لعيونا ما انكتب هالشعر
**
