إبن زعيتر

مهداة للشاعر سمعان زعيتر، 1983

ـ1ـ

شِعْرَكْ، يا خَيِّي، عَطْف وِمْحَبِّه

نِعْمِه عَظيمِه فَرْفَحِتْ قَلْبِي

وْخَلِّت لْسَاني يْقِرّ يا سِمْعانْ

إِنَّكْ حَبِيب القلبْ.. بِالْغُرْبِه

ـ2ـ

شِعْرَكْ، يا إِبْن زْعَيْتِر، تْصَاوِيرْ

كِل ما قْرِيتُو بْعِيش بِالْجَنِّه

وْحَوْلي جْنايِنْ وَردْ وِعْصَافِيرْ

وْمَلْيُون حُورِيِّه عَمِ تْغَنِّي

ـ3ـ

الشَّاعِر الْـ مِتْلَكْ لازْمُو تِكْرِيمْ

وْتِقْدِيرْ ناس مْضَيّعِين حْقُوقْ

لَوْلاكْ ضَاع الْحَقّ مِنْ إِيد الْيَتِيمْ

وْلَوْلاكْ صَرْح الْجالْيِه مَشْقُوقْ

ـ4ـ

لا تْقُولْ شَرْبِلْ زَادْها وْكَتَّرْ

كْبِير إِنْت مْنِ الْحُلم أَكْبَرْ

إِنْت الْحَرفْ بِتْعَمّرُو أَبْيَاتْ

قِدَّامْها حَجْم الدِّنِي بْيِزْغَرْ

**