رثاء الفنان نديم خليفة
ـ1ـ
مات "النديم" الكان صوتو مفخره
بحقل الطرب عندو نبوغ ومقدره
شيخ فنانين سمّيتو أنا
قلّو "الصافي" إنتْ فنّك جوهره
يا "بْن الخليفه" بصوتك المجد انبنى
بـ جاليه بحبل الدموع مزنّره
بعد موتك صعب تا نهاب الفنا
أجمل دروب العمر يا خيي "نديم"
من اليوم رح بتصير درب المقبره
ـ2ـ
المتلك عظيم كتير كيف بدّو يموت
وصوتك الرنّان ما بيعرف سكوت
عايش إنتْ ع طول باللحن الجميل
وبالشعر رح تبكيك من حزنا البيوت
و"شربل" صديقك صار ع فراقك عليل
عم يحسد القبر اللي ضمّك يا "نديم"
ومسمر عيونو فوق خشبات التابوت
**
