شاعر لبناني خالد، أسس مكتبة الثقافة في مدينة طرابلس، واستشهد غدراً أبان الحرب الأهلية اللبنانية
ـ1ـ
لمّا "الثقافه" شرّعت أبوابها
للحرف، للكلمه الجميله، للفرح
شفنا الشعر مخطوط فوق عتابها
وتحت الشعر إمضاء لمخايل فرح
ـ2ـ
مخائيل قلبو كان وسع الكون
ومحبتو للخير غمرتنا
ما مات.. بعدو بالثقافه هون
عايش.. تا حتى تعيش كلمتنا
ـ3ـ
يا كبير عصرك.. يا إبن تولا
يا أرزة اللي زينت لبنان
من كل قلبي كلمتي بقولا
في ناس مرقوا بغبرة النسيان
وإسمك بقي شامخ مع الازمان
**
