كلارك بعيني

الى الاديب كلارك بعيني صاحب موسوعة شربل بعيني بأقلامهم

كلارك بْعيني بالستّين

هَنُّوه وقولوا: آمين

  بركي بيفرَح بِعيالو

وْأًوَّلْهُنْ بنتو ياسمين

العيلِه حَدُّو هْنِيّالو

كْرامِة عَيْنُو مجْتِمْعين

ملبُورن سيدني وجبالو

فرحِتْ.. وِتْزَيَّن صنّين

وْمَرْتُو روزانا قْبالُو

حَضْنِتْ ولادُو الْحِلْوينْ

وإمُّو تا يْشِعّ مْجالُو

سِهْرتْ ع التِّرْبايِه سْنِينْ

وْنِحْنا تا نْرَيِّحْ بالُو

مِنْقِلّو: مَبْرُوك العِيدْ

وْعَ عْقبالْ الْمِيِّه وْتِسْعِينْ

**

روّاد

أمسية صدور كتاب (شربل بعيني بأقلامهم) لكلارك بعيني، 1/12/1987

ـ1ـ

يا كْلاركْ.. إِسْمَكْ لِلْوَفَا عِنْوانْ

يا إِبِنْ ضَيْعَه مْسَوسَحَه الأَكْوانْ

يا إِبِن أَطْهَر أُمّ مَوْجُودِه

مْن زْهُورْها بْيِتْلَوَّن الْبُستانْ

ـ2ـ

كْتابَكْ فَتَحْ آفاقْ لِخْلُودي

كْتابَكْ غَمَرْني بْنِعْمِة الإِخْوانْ

رُوَّادْ.. يا بْيُوت الشِّعرْ جُودي

بْهَـ الْكَونْ مِتْلُنْ ما انْوَجَدْ إِنْسانْ

ـ3ـ

مْنِ تْنَيْنْ عَيْن الْبُغضْ مَحْسُودِه:

مِنْ ناسْ سَكْبُوا الدَّمّ عَ الْوَرْقَه

وْمِن ناسْ فِدْيُوا بْدَمْهُن لُبْنانْ

**