تحية الى سيادة المطران انطوان شربل طربيه
ـ1ـ
بس قللي بس مين مزعّلك؟
وعيوننا وقلوبنا كلاّ إلك
يا سيدي المطران لا تخاف الحكي
خلفك شعب قادر يصون المملكه
ويهتف ع طول العمر: فليحيا الملك
ـ2ـ
أنطوان شربل.. بس بيكفّي
إسمك بـ كفّه والدني بكفه
حامل إسم قديّس نيّالك
ترهبنت عندو.. شعّ مشعالك
من زغرتك عم تندر العفّه
ـ3ـ
شعبك بيحبّك.. هيك بدّي قول
المش عاجبو في ألف حيط وحيط
خيط السما بيناتنا ع طول
بإيماننا.. بصلواتنا موصول
وبدمنا ودمعاتنا مجبول
وشو ما انحكى ما بينقطع هالخيط
**
سيدنا
التقيت بسيادة المطران انطوان شربل طربيه في مدينة غولبرن الأسترالية فارتجلت:
سيدنا اللي بحبّو كتير
"بغولبرن" شفتك وانسريت
بالتواضع انت كبير
عمرتلّي بقلبك بيت
عيوني بوقّفها نواطير
ع دربك.. لكن يا ريت
لو فيي ع الجنه طير
وقلو لألله: سمعني خطي
انطوان شربل طربيه
عرفت هالمرّه نقّيت
**
